Ол үйэлэр кэтэхтэригэр туман буолбут хонуктар кистэлэҥнэрэ тугуй-ханныгый? Кии дуу, киһи дуу буолар тыын харбас кэмҥэ өбүгэлэр кэс тыллара, олох иһин туруулаһыылара, кырдьыктара ааспыты анааран, билиҥҥигэ бэлиэтээн кэлэри торумнуурга, кэскили тэрийэргэ, үйэлээҕи үксэтэргэ олук буолар аналлаах.
Ааспыт история чахчытын уус-ураннык кэпсиир айымньыга ойууламмыт кыргыс үйэтигэр аҕа ууһун бас-көс киһитэ Туоҕа Боотур Орто Бүлүү сиригэр олохсуйуута, мүччүргэннээх айана, сырыыта, олохтоох омуктары кытта сыһыана, мөккүөрэ, оччотооҕу кэм олоҕо-дьаһаҕа, сиэрэ-майгыта ааҕааччыны умсугутан, тумаҥҥа симэлийбиттэр кэс тылларын тиэрдиэҕэ.